Kailan Pa Kaya? (YehrGrande)

Luhang umaagos na di mapipigilan

Hindi alam kung anong dahilan.

Bakit nga ba may lungkot?

Bakit nga ba may sakit?

Sa bawat patak ng luha 

Dama ang sakit na nadarama.

May hahaplos pa ba?

May yayakap pa ba?

Sa bawat pintig ng puso

May kirot na sumisilakbo.

Sa bawat pagtangis 

Haplos ang maglilinis.

Kailan pa kaya ang araw na iyon?

Na ang yakap ay mahagkan.

Mistulang isang imahenasyon

Na wala man lang destinasyon.

Milyang distansya kailan maging isang talampakan?

Ng mapawi ang lungkot at mahagkan.

Na maipadama ang pintig ng puso

At wala ng damdamin na  magsusumamo.

Halika na abutin na ang pangarap

Na maging maligaya sa hinaharap

Mamuhay na wala ng paghikbi 

Sabay na abutin ang minimithi.

Mahal, kailan na ba magsisimula?

Sa panibagong yugto ng pahina?

Pahinang magkasamang masaya

Walang lungkot at puro na ligaya.

Masarap mabuhay na magkasama

Haraping magkasama ang problema

Maipadama ang tunay na halaga ng pag-ibig

Na kahit sino man ay walang makakapagpabuwag.